Home | Contact | Abaut Us | Maqaal | Tacsi | History |

Qaar ka mid ah golaha wasiirada Galmudug oo ka hadlay doorashada Madaxtinam​ada Galmudug.

July,7,2012 www.Hobyoradio.com

Qaar ka mid ah golaha wasiirada Galmudug oo ka hadlay doorashada Madaxtinam​ada Galmudug.

Qaar ka mid ah golaha wasiirada Galmudug ayaa qaabab kala duwan uga hadlay xilka doorashada Madaxtinamada dowlad gobaleedka Galmudug oo haatan qabanqaabadeedu ay ka socoto deegaanada Galmudug  waxaana jira khilaafaadyo u dhaxeeya madaxda sare ee Galmudug.

Wasiirka gaadiidka cirka-dhulka  iyo iskaarsiinta Galmudug C/llahi Salaad Yarow ayaa uga warbixiyay Warbaahinta Hobyo  dareenkiisa ku aadan doorasha madaxtinimada waxa uuna asheegay in Xukuumada haatan jirta uu waqtigeedu ku egyahay bisha febraayo ee sanadka so socda  isgoona tilmaamay in Dastuurka Galmudug uu qorayo waqtiga ay ku egtahay xukuumada haatan jirta 2013.

“Gudoomiyaha baarlamaanka waxba ma kala diri karo,madaxwaynaha ayaa wareegto soo saari kara Waxna kala diri kara”ayuu  yiri Wasiirka gaadiidka cirka dhulka iyo isgaarsiinta Galmudug C/laahi Salaad Yarow.

Sidoo kale waxaa arinkaasi doorashada uga waramay warbaahinta Hobyo ee magaladda Galkacyo wasiirka isportiga Shaqada iyo shaqaalaha Saadaq Daahir Mire isagoona qaba fikrad taas ka duwan oo ah in uu Aaminsanyahay xukuumada isagu uu ka mid yahay ay ku egtahay  1-da bisha august  islamarkaana Baarlamaanka iyo xukuumada uu ku waafaqsanyahay waqtigaasi lagu balamay, “Kolayba xilka waa iska Jiid jiid, doorashaduna waa ay dhacaysaa waqtigii loogu tala galay,” ayaa wasiirka hadalkiisa ku soo Gaabiyaay.

Sikastaba ha ahaatee ma ahan markii ugu horaysay oo hadalo nuucaan oo kale ah ay kasoo baxaan  qaar Ka mid ah golaha wasiirada Galmudug, shalay ayaa wasiirka arimaha gudaha iyo amniga shir jaraa’id oo Uu ku qabtay magaalada Gaalkacyo uu ku sheegay in xukuumada ay waqtigeedu ku egyahay bisha Febaraayo  ee sanadka so socda , inkastoo hadaladan ay dhabar jab u keeni karto hannaanka iyo geedi Socodka maamulka Galmudug.

Kala Xiriir
Hobyo Media Network Gaalkacyo iyo Ceelguula, Galmudug, Somalia
E-mail:  hobyoradio@hotmail.com ama hobyoradio@gmail.com


COMMENTS-FIKRADAADA DHIIBO
Name*

Email*

Website*

Waftigii dowlada KMGHalkan ka Dhagayso
 
 
 
 
 

Home | Contact | Maqaalo | Tacsi | Hambalyo | Fanka iyo Suugaanta | Fikrado  | Wararkii Hore | Waxbarshada | Caafimaadka | Dhaqanka |  Dhaqaalaha | Galmudug State| Galkacyo| Hobyo| Ceelguula| Wasil| Bandiiradleey| Ceeldibir| Galinsoor| Bud Bud| Afbarwaaqo| Xingod| Bitaale | Galbarwaaqo|