Halkan ka dhagayso gudbooyinkii laga jeediyay dhagaxdhiga Jaamacada Mudug ee Galmudug Dhagayso wararkii Idaacada Hobyo ee Jan,19,2010 Dhagayso
 

Booqasho rasmi ah uu Guddoomiyaha Barlamaanka Galmudug ku Mudane Xasan M. Hayl ku yimid Arizona.

Max'ed Ahmed Urur

Cumar Ahmed

Habeenkii xalay waxaa jaaliyadda Galmudug ee Arizona si diiran u  soo dhaweeyeen Guddomiyahay barlamaanka Galmudug Mudane Xasan Maxamuud Hayl isagoo booqasho rasmi ah ku marayey Gobollo ka mid ah Waqooyiga Maraynkanka. Xafladaas oo si wacan u soo agaasimeen haweenka iyo Dhalllinyarada Jaaliyadda Galmudug ee Arizona. Khudbad so dhaweyn ah waxaa halkaas ka akhriyey Mudane Maxamed Urur ee ka mid ah asaasiyaashii dawladga Galmudug State.

 Waxaa xigey khudbad dheer ee xog-warran ah ee Mudane Xasan Hayl halkaas ka jeediyey. Wuxuu guddoomiyaha ka hadlay waxqabadka Galmudug iyo mashaariicda horumarineed ee ka socota dawladda Galmudug,  iyo isagoo tilmaamay in jaaliyadda Galmudug ee Arizona  tahay mid ka mid  xubnaha firfircoon ee muhiimka ah fulinta  iyo dardargelinta mashaariicda  dawladda Galmudug. Wuxuu Guddoomihaha ku nuuxnuuxsaday baahida loo qabo in ay jaaliyadda dardar geliso qayb weyna ka qaadato mashaariicda ay ka midka yihiin dhismaha xarumaha madaxtooyada iyo barlamaanka ee dawladda Galmudug ee la doonayo in dhawaan laga hirgeliyo Magaalada Gaalkacyo.

 Mudane Xasan Maxamuud Hayl wuxuu ku booriyey jaaliyada muhimadda ay leedahay   isku duubniyad iyo midnimada xubnaha jaliyadda Galmudug taasoo keeni karto in ay xabadan oo horumar ka suurta gelin karto deegaanka Galmudug.

Waxaa kadib lagu soo gunaanaday xafldaas su’alo muhiim ah ee soo jeeddiyeen xubnaha Jaaliyadda Galmudug iyagoo si wacan ugu qanceen jawaabihii waafiaga ahaa ee guddoomiyaha ka bixiyey weydiimahaas.

Cumar Axmed

Cumar_axmed@live.com

Arizona, USA