Madaxweynaha dowlad goboleedka Soomaliyeed ee Galmudug Prof  Max'ed Warsame oo baryahan  socdaal ku marayay magalooyinka Portlan, Main, Boston, Massachusats. Minneapolis, Minnesota.  Rochester, Minnesota. Phoenks, Arizona  ee dalka  Maraykanka ayaa soo gaaray magaladda San Diego ee gobolka California,

Jaaliyada  Galmudug  ee ku dhaqan magalada San Diego ayaa siweyn usoo dhaweeyay Madaxweynaha iyo marti sharaf kasoo raacday gobolka Arizona oo kala  ahaa Wakiilka Galmudug ee dalka Maraykanka  Mudane Max'ed Ahmed Urur, Wakiilka Galmudug ee gobolka Arizona  Mudane C/rashiid C/llahi Foonka, Mudane  Cabdi  Dhoof.

Ahmed ayaa Aayadaha Quraanka noo aqriyay

Wakiilka Galmudug ee gobolka Arizona C/rashiid C/llahi Foonka

Hoolka Weyn ee Holiday Inn  San Diego ayaa waxaa isugu yimid  qaybaha kala duwan ee Jaaliyada Galmudug Waxgaradka,Aqoonyahanka, Dhalinyarada iyo Haweenka.

 

 Ugu horayntii ayaa waxaa shirka lagu furay Aayadaha Quraanka Kariimka oo uu inoo aqriyay Ahmed Maxa’ed Colow, Madaxa Jaaliyada Galmudug ee San Diego  Dr.  Qaliif Ali Boor ayaa kusoo dhaweeyay  Madaxweynaha iyo marti sharafka magalada San Diego.

Waxaa sidoo kale halkaasi ka hadlay Cusman Shirwac  Gote, iyo Nuur Weheliye  Nuur Caruush  oo labaduba soo dhaweeyay Madaxweynaha  ogana mahad celiyay horumarka iyo Amaanka kajira  deegaanada Galmudug State.

Madaxweyne Max’ed Warsame ayaa  ka warbixiyay  deegaanada Galmudug asagoo inta badan diirada saaray  Arimaha Nabadgalyada,Waxbarashada, Caafimaad,  iyo Horumarka gobolka , madaxweynaha oo ka waramaya Nabadgalyada ayaa sheegay in la diyaariyay Ciidamada Booliska iyo malayshiyada oo tababarkii loo dhameeyay..

Ugu dambayntii  madaxweynaha Galmudug Prof. Max’ed Warsame Cali Kiimiko ayaa u mahad celiyay guud ahaa Jaaliyada San Diego  gaar ahaan dadkii soo qaban qaabiyay iyo kuwii kazoo qayb galay shirka.

C/aziz Xogolof

San Diego, California

xogolaf@yahoo.com