Home | Contact | Abaut Us | Maqaal | Tacsi | History |

WAR-MURTIYEEDKA:-DHAQ-DHAQAAQA SOMAALIYEED NABADDA, MIDNIMADDA IYO CADAALADDA.

Jun,30,2012 www.Hobyoradio.com

WAR-MURTIYEEDKA:-DHAQ-DHAQAAQA SOMAALIYEED NABADDA,MIDNIMADDA IYO CADAALADDA.

Mahad oo dhan Allah ayeey u sugnaatay-Naxariis iyo

Nabadgelyo(Suubane Rasuulkeena Muxamed CSW korkiisa)

Alloow Raxmadaada,Dembi dhaaf iyo Cadaab ka xoreeyntaada

bisha barakeeysan awgeed(Ramadaanka Kariimka ah)noogu

deeq Alloow(aamiin-Aamiin-Aamiin).

Dhaq-dhaqaaqa Somaaliyeed Nabadda,Midnimadda iyo Cadaalada

codka somaalida caafimaadka qabta lehna dareenka,damiirka

iyo dadnimadda diin,dal iyo walaalnimo jaceylka leh,kuwa

sida joogtada ah u diidan gun-nimada,gumeeysi hoos jooga iyo

is-dhiibida ayaan daradeeda leh,marka koowaad waxaan halkan

uga soo gudbineeynaa guud ahaanba bulsho-weynta somaaliyeed

hambalyada sanad-guurada 52-naad ee ka soo wareegtay xornimada

qaaliga ah(26-kii June dhanka Waqooyiga iyo 01-dii Jullay ee

dhanka koonfurta sanadkii 1960-kii)Inshaa Allah sharaftii iyo

milgo gobeedkii qarameed wey soo noqon,gunimona weey dhammaan.

*Marka Labaad-Dhaq-dhaqaaqa Somaaliyeed waxeey si diiran u soo

dhoweeynaayaan una taageersan yihiin hanaanka wada hadalka u

dhexeeya Dowladda KGM ah iyo Maamulka S/Land kana dhacay London

UK qodobadii ka soo baxaeyna eey si wada jir ah u saxeexeen:-

Madaxweyne Somaliyeed-Mudane-Sh.Shariif iyo Madaxweynaha Maamulka

S/Land-Mudane-Axmed Siilaanyo,waana tallaabo ahamiyadeeda leh oo

aan ka rajeyneeyno in guulo danta guud ku saleeysan ka soo baxaan.

*Dhaq-dhaqaaqa Somaaliyeed soo dhoweeynta kulamadaas kadib marna

kama tanaasuli karaayo mana ogolaanaayo wixii ka baxsan qaranimo

buuxdda,midnimo hab cadaaladeed,hanaan dawladladeed Fadaraal ah

oo dastuurku si cad u qeexaayo waajibaadkooda(cod dadweyne lagu

ansaxiyo).

*Dhaq-dhaqaaqa Somaaliyeed waxeey si weyn u soo dhoweeynaayaa

go'aamadii qiimaha weyn lahaa oo ka soo baxay shirkii Istanbuul

oo sida cad u taageeray midnimadda somaaliyeed,awooda soo xulida

ergooyinka ansaxiinta dastuurka iyo soo xulida Xildhibaanada cusub

siiyeey Odayaasha dhaqanka somaliyeed,waana talaabo guusheeda leh.

*Dhaq-dhaqaaqa Somaaliyeed waxeey si weyn uga digaayaan in fara-

gelin lagu sameeyo howlaha madaxa banaan ee Odayaasha dhaqanka

anagoo shaki weyn ka qabna ujeedada loo sameeyeey gudiga farsamo

oo ka kala socda kooxdda saxeexayaasha keliya laguna inqilaabay

gudigiii madaxa banaanaa ee dastuurka soo qoray,anagoo mar walba

ku adkeeyneeynaa:-Odayaasha dhaqanka iyo Culimaa-udiinka somalia

in eey ka digtoonaadaan guud ahaanba wixii lidku ah shareecadda,

Qaranimadda Somaaliyeed ama wixii hab sed-bursi ku saleeysan oo

dastuurka ku jiri karaaya.

*Dhaq-dhaqaaqa Soomaaliyeed waxeey ku boorinaayaan Odayaasha

Dhaqanka in eey hab cadaalad leh ku soo xulaan Xildhibaanadda

Cusub ee barlamaanka mudnaantana siiyaan:-Daacadnimadda,Kartida,

Dareenka iyo Damiirka Wadaniyadeed iyo hufnaanta muwaadin-nimo,

kana illaaliyaan kuwo gacanta ku leh:-Colaadda sokeeye,dagaal

Oogayaasha,Shakhsiyaadka xatooyadda ku eedeeysan iyo kuwo ku

tiirsan(Wakaaladda u ah)Dowladaha deriska(gumeeysi raacyadda).

*Dhaq-dhaqaaqa Somaaliyeed waxeey si diiran u soo dhoweeynaayaan

guud ahaanba guulaha waaweyn oo Ciidmadda qaranka iyo kuwo Amison

gaareen hadii eey noqon laheyd:-goboladda Jubooyinka,Gedo,Bay iyo

Bakool,Banaadir,Sh.Hoose,Sh.Dhexe iyo gobolka Hiiraan iyo guulaha

Kooxdda Ahlu-sunna ka wadaan degaamadda G/Galgaduud,sidoo kalle

waxaa amaan iyo bogaadinba mudan gudoonka g/Banaadir oo wax weyn

ka qabtay soo celin bilicdii Caasimadda Muqdisho.

*Dhaq-dhaqaaqa Somaaliyeed waxeey si toos ah u taageersan yihiin

in Dalkeena hooyo ka baxo marxaladan murugadeeda iyo mugdigeeda leh

marxaladan gun-nimada,hanto hanaankiisa dawladeed iyo karaamadiisa

ummadeed(20-08-2012 maqaamkiisa iyo xoriyadiisa buuxda gacanta ku

dhigo)hogaan daacad ah,wadani ah oo masuuliyadaas culus sida ku

haboon u gudan karaaya la soo doorto)Alloow sidii roon-aamiin.

-Ustaad-Xassan C/Laahi Sh.Maxamed(Xassan Carab)-

-Afhayeenka Guud-Dhaqa-dhaqaaqa Somaaliyeed

Nabadda,Midnimadda iyo Cadaaladda.

-June-28-2012.

Kala Xiriir
Hobyo Media Network Gaalkacyo iyo Ceelguula, Galmudug, Somalia
E-mail:  hobyoradio@hotmail.com ama hobyoradio@gmail.com


COMMENTS-FIKRADAADA DHIIBO
Name*

Email*

Website*

Waftigii dowlada KMGHalkan ka Dhagayso
 
 
 
 
 

Home | Contact | Maqaalo | Tacsi | Hambalyo | Fanka iyo Suugaanta | Fikrado  | Wararkii Hore | Waxbarshada | Caafimaadka | Dhaqanka |  Dhaqaalaha | Galmudug State| Galkacyo| Hobyo| Ceelguula| Wasil| Bandiiradleey| Ceeldibir| Galinsoor| Bud Bud| Afbarwaaqo| Xingod| Bitaale | Galbarwaaqo|