Home | Contact | Abaut Us | Maqaal | Tacsi | History |

Ilaa 10-musharax oo u taagan xilka Madaxtinada Soomaaliya oo maanta Muqdisho ku shiray.

Jun,16,2012 www.Hobyoradio.com

Ilaa 10-musharax oo u taagan xilka Madaxtinada Soomaaliya oo maanta Muqdisho ku shiray.

Musharixiin fara badan ayaa isku soo taagay xilka doorashada madaxweynenimadda Somalia ee soo socota,Waxaana maanta 10 kamid ah musharixiintaasi ku qabteen shir'jaraaid ayagoo ugu baaqay beesha caalamka inaysan DKMG u isticmaalin dhalaaha gargaarka caalamka doorashooyinka, Musharixiintaasi ayaa waxaa kamid ahaa Xaaji Maxamed Yaasiin, Prof. Axmed Ismaaciil Samatar, Xasan Sheekh Maxamuud, Cabdiraxmaan Cabdishakuur Warsame, Maxamed Maxamuud Guuleed (Gacmo-dheere), Xuseen Khaliif Jaamac iyo C/faarax Shirdoon Saacid.

Haddaba Musharaxiintan oo isugu jiray Xildhibaano ka tirsan Baarlamaanka oo horay xilal Wasiiro uga soo noqday Xukuumadihii hore, qaar ka mid ah Madaxda Xisbiyada siyaasada iyo aqoonyahano ayaa si wada jir ah uga digay in guuldaro ku yimaado arrimaha geedi socodka Soomaaliya ee looga baxayo KMG.

Prof. Axmed Ismaaciil Samatar oo ugu horeyn halkaasi ka hadlay ayaa waxa uu sheegay in loo baahan yahay in si gaar ah loo eego Doorashada Madaxtinimo ee dalka, islamarkaana lagama maarmaan ay tahay in la muujiyo sinnaan iyo cadaalad, isagoo tilmaamay in Doorashadaasi oo ay ka qeyb galayaan qeybo badan oo ay iyagu ka mid yihiin laga ilaaliyo wax yaabo keeni kara musuq maasuq iyo cadaalad darro.

Xasan Sheekh Max’ud oo ka mid ah Musharixiinta u taagan qabashada xilka Madaxtinimo oo isna halkaasi ka hadlay ayaa waxa uu sheegay in Odayaasha dhaqanka ee soo xulaya Ergada ansixinaysa Dastuurka qaarkood ay yihiin kuwo aan sax aheyn, oo aan matalin beelaha Soomaaliyeed, isagoo dhinaca kale sheegay in Odayaashaasi hoggaanka dowladda ay amreen in aan lala kulmi karrin, taasina ay meesha ka saarayso dad badan oo musharixiin ah in Odayaashaasi ay la kulmaan.

Waa kullankii ugu horeeyay inta la xasuusto oo ay isugu yimaadaan Musharixiin u taagan qabashada xilka Madaxtinimo ee Soomaaliya, waxaana Xubnihii maanta kullanka ka hadlay ay sheegeen in kullamadoodu aan ku ekeyn kii maanta oo kaliya, balse qeybaha kala duwan ee bulshada muddooyinka soo aaddan ay kala hadli doonaan xaaladda dalka Soomaaliya.

Kala Xiriir
Hobyo Media Network Gaalkacyo iyo Ceelguula, Galmudug, Somalia
E-mail:  hobyoradio@hotmail.com ama hobyoradio@gmail.com


COMMENTS-FIKRADAADA DHIIBO
Name*

Email*

Website*

Waftigii dowlada KMGHalkan ka Dhagayso
 
 
 
 
 

Home | Contact | Maqaalo | Tacsi | Hambalyo | Fanka iyo Suugaanta | Fikrado  | Wararkii Hore | Waxbarshada | Caafimaadka | Dhaqanka |  Dhaqaalaha | Galmudug State| Galkacyo| Hobyo| Ceelguula| Wasil| Bandiiradleey| Ceeldibir| Galinsoor| Bud Bud| Afbarwaaqo| Xingod| Bitaale | Galbarwaaqo|