Home | Contact | Abaut Us | Maqaal | Tacsi | History |

YAA KA MASUUL AH LUNSASAHADA DHAQAALAHA(MACAL CUNE SOO BIXI).

Jun,12,2012 www.Hobyoradio.com

YAA KA MASUUL AH LUNSASAHADA DHAQAALAHA(MACAL CUNE SOO BIXI).

Mahad oo dhan Allah ayeey u sugnaatay-Naxariis iyo Nabadgelyo

Suubane(Rasuulkeena Muxamed CSW korkiisa)masuuliyada iyo xilka

ayaa ah amaano raxmaanku ku eegaayo adoomihiisa waana mid aad

iyo aad culeeyskeeda leh hab cadaalad leh xaq soor leh sinaan

leh oo dhameeys-tiran basharku ma la imaan karro laakiin waxaa

la isku dhaama Allah ka cabsiga iyo xoogaa dadaal ah ama damiir

wanaag ah iyo hufnaan qof ahaaneed(inkastoo amaano dhoowre aad

iyo aad ugu yar yahay somaalida gaar ahaan waqtigan).

 

Anigoo ah Ustaad-Xassan Carab muwaadiin somaaliyeed oo xaq difaaca,

run ka hadalka iyo danta guud illaaliye ah waxaan qormadan maanta

ku eegaaya fadeexada fool-xumadeeda leh(ceebta iyo cambaarta madoow

guud ahaan magaca somaaliyeed)fadeexada musuq-maasaqa maaliyadeeda

oo si cad Bankiga Aduunku dusha ugu tuuray xukuumadda somaaliyeed

ee xiligan laguna soo bandhigay shirkii Istanbuul Turkiga si weyna

waji gabax ugu noqotay guud ahaan masuuliintii heer qaran oo shirka

joogeey gaar ahaan Mudane-Dr-C/Weli Gaas iyo xubnihii golihiisa oo

ah kuwa eedo musuq-maasaq ama xatooyada farta ku fiiqeeyso lacagta

la lunsaday ayaa lagu qiyaasay(130 Malyuun)dhaqaale aad iyo aad u

badan oo sida la sheegay loogu tallo galay taakuleeyn,gargaar iyo

wax kaga qabasho dhibaatooyin culeeyskooda leh oo markaas taagnaa.

Hadaba fadeexadaas ka dib xukuumada somaaliyeed ee Dr-C/Weli Gaas

waxeey isku deeyday iska difaacida eedeentaas culeeyskeda leh sida

weyn u dhaawaceeysa shakhsiyadooda waxaana ugu dameeyeey hadalka

Proff-Gaas wuu ku tilmaamay wax kama jiraan warbixinta Bankiga

Aduunku ku soo bandhigay Istanbuulisla markaana wuu yirri wax cad

oo la taaban karro warbixintaasu ma qeesiin,hadaba anigoo hadalka

Proff-Gaas tixraacaaya isla markaasna isha ku hayo fadeexada iyo

eedeeynta dhaqaale lunsashada waxaa ila haboon in si cad arrinta

loo baadho lagana aamusiin hab baaritaan rasmi ah la sameeyo oo

dib loo eego cadeeymo warbixintaasu wadato iyo meesha lacagtaasu

ka baxday hadii eey gacanta xukuumada soo gashay,waxaa kale oo is

weeydiin leh warbixin been ah wuxuu ka faa'iidaaya bankiga iyo

Hey'adaha maaliyada aduunku?Lunsashadu ka ahaato xiligii Xukuumadii

Dr-Cumar C/Rashiid ama Xiligii Proff-Farmaanjo waxaa looga fadhiyaa

Xukuumadda hada joogta in eey arrinmahaas daba gasho oo baaritaan

Rasmi ah ku sameeyso(Masuuliyada saaran awgeed).

Waxaan halkan baaq wadaniyadeed uga soo gudbinaayaa guud ahaanba

somaalida inteeda damiirka nool,dareenka qarameed iyo dal jaceylka

leh(somaalida nool)in eey arrintaas daba gal dhab ah ku sameeyaan

lana raadiyeey xaqiiqada dhabta ah anigoo baaqan ama fariintan si

toos ah ugu gudbinaaya:-

-Xisbiga Hiil Qaran.

-Xisbiga Nabadda Somaaliyeed.

-Xisbigga Midnimadda Somaaliyeed.

-Ururadda Garyaqaanadda Somaaliyeed.

-Ururadda Saxaafadda iyo Warbaahinta Somaaliyeed.

-Golaha Sarre ee Culimaa-udiinka Somaaliyeed.

-Ururka Haweenka Somaaliyeed.

-Ururadda Dhalinyaradda Somaaliyeed.

-Jaaliyadaha Qurba Jooga ah.

-Looyaradda Madaxa Banaan.

-Xeer Illaaliyadda Guud ee Qaranka.

-Gudoonka Maxkamadda Sarre.

Fiiro gaar ah:-maxkamadda G/Banaadir waxeey xukun dheer ku riday

Nin eey ku soo eedeeysay lunsashada lacag dhan 48.000,bal aan Maxkamadda sarre weeydiiyo miyaaneey xilkeeda ahaan baaritaanka

Musuq-maasaqa dhaqaalle iyo lacag lunsashada Xukuumada Somaliyeed

lagu eedeeynaayo mise sharciga weey ka sareeyaan,dadka damiirka

leh oo gudaha iyo debedaba ku sugan waa in eey qaadaan tallaaboon

cambaareeyn iyo banaan baxyo lagu codsanaayo baaritaan rasmi ah

cidii masuuliyadeeda lagu helo cadaalada la hor jeeyo,mise xaalku

waa sidii lunsashadii xukuumadii Proff-Geedi iyo aamuus dheere

iyo sheekadii(Tuuga Tolka),inkastoo lacagtaasu sun tahay waayo:-

waa Taakuleeyn,Gar-gaar iyo Caawiin loogu tallo galay dad dhiban

barakacsan oo gaajo iyo silic u dhimanaaya wallee waa sun weeyna

ku maqantay kuwii cunay(Sun laqayaasha)Alloow garsoor xaq ah iyo

Nidaamka amaana dhoowri karaaya iyo masuuliin damiir iyo dadnimo

leh oo dalkooda difaaca dadkiisa daryeel-aamiin,aamiin,aamiin.

-Qorre-Ustaad-Xassan C/Laahi Sh.Maxamed(Xassan Carab)-

-sharifhassan50@hotmail.co.uk

-Jun-10-2012.

Kala Xiriir
Hobyo Media Network Gaalkacyo iyo Ceelguula, Galmudug, Somalia
E-mail:  hobyoradio@hotmail.com ama hobyoradio@gmail.com


COMMENTS-FIKRADAADA DHIIBO
Name*

Email*

Website*

Waftigii dowlada KMGHalkan ka Dhagayso
 
 
 
 
 

Home | Contact | Maqaalo | Tacsi | Hambalyo | Fanka iyo Suugaanta | Fikrado  | Wararkii Hore | Waxbarshada | Caafimaadka | Dhaqanka |  Dhaqaalaha | Galmudug State| Galkacyo| Hobyo| Ceelguula| Wasil| Bandiiradleey| Ceeldibir| Galinsoor| Bud Bud| Afbarwaaqo| Xingod| Bitaale | Galbarwaaqo|